Af hverju?

Af hverju ætli jafnaðarmenn á Íslandi vilji ganga í Evrópusambandið? Af hverju telur Jóhanna Sigurðardóttir að best sé fyrir íslenskan almenning að ganga í Evrópusambandið? Ætli það sé ekki vegna þess að það er eina örugga leiðin til að endurreisa íslenskt efnahagslíf og til að tryggja velferð. Viljum við ekki afnema verðtrygginguna, fá lága, já lága vexti, lægra vöruverð og tryggan og stöðugan gjaldmiðil þannig að við getum ætlað að fötin sem við keyptum í gær muni e.t.v. kosta það sama að ári. Eins og fótboltaskórnir sem ég keypti handa stráknum mínum í Englandi fyrir ári kosta nákvæmlega það sama ári seinna en hafa hækkað allverulega á Íslandi. Fyrir okkur er þetta eðlilegt þar sem við þekkjum ekkert annað en háa vexti, hækkandi verðlag og rokkandi gengi. Viljum við það áfram?

 

Athugasemdir

[Ína (IP-tala skráð) 30.3.2009 kl. 10:38]

Ég vil afnema verðtrygginguna, ég vil lága vexti, lægra vöruverð og tryggan og stöðugan gjaldmiðil. Ég vil að þjóðin fari í aðildarviðræður svo við vitum hvað er í boði með inngöngu í ESB. Þegar samningur er í höfn þá getum við kosið um hann í þjóðaratkvæðagreiðslu. Fyrr ekki. Sumir segja að ESB sé ekki í stakk búið til að taka við okkur og láta eins og við séum milljónaþjóð! Við erum örfáar hræður sem erum að lokast inni í einangrun og fátækt út í Ballarhafi ef ekkert verður að gert.

Vill þjóðin það? Ég held ekki.

[Aðalbjörn Björnsson, 30.3.2009 kl. 10:43]

Nákvæmlega rétt, við erum að lokast inni.